هل مازلت تنتظر المزيد من الوقت للدفاع عن مشاكل التشيل في القيروان

و الله هو مشاكل التّشغيل في القيروان، هي مشاكل تهمّ البلاد كاملة، مش كان القيروان. و مسألة التّشغيل، أحنا طرحنا حلول مالأوّل، قلنا كيفاش تنجّم تكون عمليّة التّشغيل، ناخذ مثال بسيط قلنا فمّا ناس، لما لا انّقصو من عمر التّقاعد، تولّي مجموعة كبيرة تاخذ تقاعد مبكّر، و نفسحوا المجال لبعض ناس إلّي تنجّم تتمكّن مالشّغل، ثنين، قلنا أنّه ما تنجّم كان الدّولة إلّي تعمل مشاريع كبيرة إلّي عندها طاقة تشغيليّة عالية و إلّي عندها انتاجيّة عالية، هذيكا إلّي تنجّم تشغّل المواطنين، تبقى مسألة المؤسّسات الصّغيرة، متاع القطاع الخاصّ، راهي ما تنجّمش تشغّل حاجة كبيرة أوّلا، ثانيا حتّى القوانين إلّي موجودة تو و إلّي يشغّلو بيها القطاع الخاصّ، ديما ضدّ الخدّام، الشّيء إلّي يخلّي كلّ طالب شغل، يهرب ماذابيه يخدم تحت الوظيفة العموميّة، ما يخدمش في القطاع الخاصّ، بالطّبع أحنا كي نقولو ندافعو على التّشغيل، مش ندافعو عليه نهار و ننساوه، لا، يلزمنا ندافعو عليه في كلّ وقت، و في أكثر الأماكن، و في كلّ فرصة وين نتواجدو، ندافعوا على الشّغل النّاس الكلّ.