اين المنطقة الصناعية بمعتمدية بوحجلة من ولاية القيروان ولماذا اعضاء المجلس التاسيسي عن القيروان مفقودين وحلم اهالي القيروان هو اجتماعكم معا بااهالي الجهة وسماع مشاغلهم

الموضوع متاع المنطقة الصّناعيّة ببوحجلة أثرناه و تحدّثناه برشة مرّات، في
الولاية و مع المسؤول في الجهة، كلّمته مباشرة و بالتّليفون عدّة مرّات، و
حضرت الاجتماع عملناه في وزارة الصّناعة هنا في العاصمة على موضوع المناطق
الصّناعيّة، و اتّفقنا في آخر مرّة فمّة لجنة كوّنوها خصّيصا باش تولّي هي
عندها صلوحيّة باش توافق لأنّه قبل الاجراءات كانت صعبة و تمرّ باجراءات
اداريّة تطول، و آخر المراحل هو أنّه مشات اللّجنة و شافت المنطقة هذه، و أنا
قعدت دائما باتّصال مع المسؤول بالجهة تابع لوزارة الصّناعة و ألحّ عليه أنّه
باش يسرع في الموضوع هذا، و زدت كلّمت حتّى الإخوة في الجهة، و قلتلهم تحرصوا
أنتم من ناحيتكم لأنّه ما نجّمش باش نتابع يوميّا كلّ القضايا المطروحة، بقى
ماناش غافلين و ماناش راقدين و نتحدّث في الموضوع هذا و نتابع فيه.