نادينا بهذا المشروع و اكدناه في العديد من المناسبات، حتى في الولاية في نطاق برنامج التنمية للقيروان. الوعود موجودة التنفيذ مش موجود.

غاز الشيست احنا وقفنا ضده منذ البداية، وبهذا الوقوف إلي وقفناه ضده توقفت العملية. بلغنا أن هناك القيام بحفريات و الادعاء أنهم مش يبحثو على غاز الشيست وانما على مادة بترولية أخرى. نحن مازالت نقطة إستفهام. المواطنين متأثرين فمّا بيناتهم إحتقان كبير. ونحن بش ننظرو عن قريب في هذا الأمر. بش يجتمع الأعضاء المنتخبين عن ولاية القيروان في هذا الموضوع وفما حتى مشية لامريكا، بش يمشي منا واحد بش يشوف شنية الوضعية، ثمّ، بعد نلقاو حل. اللي نقولو هنا لا يمكن بأي حال من الأحوال أن يحدث هذا العمل إذا كان فيه خطر على منطقة من مناطق البلاد التونسية ككل والقيروان خاصة. يستحيل بش يمر إلا إذا كان فيه ضمانات تضمن السلامة متاع البيئة والمحيط والمواطنين.

بالنسبة لهذا العمل نحن فما في البرامج التنموية الكل، العلا، حفوز، السبيخة
الكلها موجودة. تبقى كما قلت في السؤال الأول هو كونه إلى حد الأن ننتظر تفعيل
الطلبات متاعنا إلي طلبناها في التنمية نحن شادين صحيح فيها حلينا بعض
المشاكل مش ما حليناش وان شاء لله ننتظر بش نحققو مشاريع أخرى نحنا هنا نطلبو
وعندنا إجتماع في الأفق للأعضاء المنتخبين عن القيروان بش نعملوا إجتماع و بش
ناخذو موقف اللازم لتفعيل هذه المشاريع التنموية.