السؤال إلي تطرح علي إلي هو مسألة التدخل لزوجي، أنا في المجلس التأسيسي عندي فوق العام ،و بالتالي زوجي موجود من بعد الثورة إذا كان عيني بش ندخل ليه وإلا لغيرو، هذي مش من مهامي أني نتدخل للناس. أنا حتى عندي مبدأ في بنزرت والناس الكل تسمع فيا ويمكن تسمعوا إلي أنا لما يجيني مطلب شخصي سواءً كان في التشغيل ندلو إلى مناظرة سواءً كانت شفاهية أو كتابية، وإذا كان فما بعض الأشياء إلي انجم نقوم بها للجهة ككل مثلاً عملة مازالوا ما ترسموش، ناس عندهم مشاكل في المصنع متاعهم وإلا مسألة تخص التشريع، ننصحهم باش يقدموا مشروع قانون وإلا نمشيوا للوزارات باش نحلوا المشاكل العامة. بالنسبة لي، زوجي قدم CV كيما الناس الكل، إنتظر كثيرا وبعد وقع تعيينو، هذي حاجة تخصو هو أنا ما تدخلتش فيها. يعني باش ندخل فيها هذا يعتبر أمر... حتى وإذا كان صارت حاجة بالنسبة ليه توجهلوا ليه هو. المرأة في تونس مستقلة عن زوجها في القرارات ومستقلة في إبداء الرأي. أنا عطيت رأيي، تحبوا تشوفوا رأيه هو تفضلوا له.