باسم الله الرحمان الرحيم و الصلاة و السلام على اشرف المرسلين الناس يتساءلوا و يقولوا شبيه الاخ حبيب ما يتكلمش في المجلس التاسيسي على صفاقس. انا نحب نقول الي راني حتى لو متكلمتش، توا نقلك علاش متكلمتش. انا قاعد ندافع سوى في الكواليس او بالإتصال مع الوزراء أو الوالي و كل الجهات المعنية بالحالة التنموية في صفاقس و كل قضايا صفاقس.اي موضوع يهم صفاقس راني تدخلت فيه كما في موضوع المطار لما تطرح و شركة الطيران وموضوعCIAP هذه الكل تحدثت عليها مع اللي يهمهم الأمر. ووقت إلي قص الماء قعدت ماشي جاي على وزارة الفلاحة. فانا نعمل في جهد كبير لكن منحبش نظهر وأنا نكره أن يكون خطابي في المجلس جهوي. أنا بالعكس ننقد في بعض الاخوة اللي يتحدثون من ولاية كذا، يجبد كان ولايته و بعض نواب المجلس التاسيسي ربي يغفرلهم يعملوا في شوية دعاية انتخابية. أنا لا يليق بي ان افعل هذا، انا نخدم في صفاقس بكل ما أوتيت من قوة وإنشاء الله المواطن صفاقسي يلاحظ هذي الخدمة و تو يراها بالملموس. قاعد نناضل بش كل ولاية تخو حقها و ولاية صفاقس تخو حقها كقاطرة اقتصادية في البلاد واللي يتصور غير هذا راهو غالط.

أنا نقول إنو هذه السنة بالعكس تم تحسين كثير من الأوضاع خاصة في ما يتعلق
بمسألة التلاعب بالاموال وبالحظوظ متاع الحج هناك قرعة وهنالك أمانة تبقى ديمة
شوية محابة تصير على الهامش وهي ملحوظة وانشالله الأن سيأسس ديوان الحج
والعمرة وبش يكون مؤسسة تنظم بناء على التجربة إلي مرنا بها السنة انشالله